Бөлүмдөр
Шаршемби, 23-январь
Жалал-Абад облусуЧаткал району 17.05.2017 09:25

Фото - Чаткалда кокту-колоттон түшкөн шагыл аралаш таштар жүк ташуучу унааны басып калды (видео)

Turmush -  Ала-Бука—Жаңы-Базар—Кировка унаа жолунда кокту-колоттон кум-шагыл аралаш таштар түшүп, оор жүк ташуучу унааны басып калды. Бул тууралуу ӨКМдин Жалал-Абад облусу боюнча башкармалыгынын жооптуу кезметчиси, улук лейтенант А.Ботобеков билдирди.

Анын айтымында, Чаткал районунун Терек-Сай айыл аймагынын Кош-Көпүрө аймагында Ала-Бука—Жаңы-Базар—Кировка унаа жолунун 26-чакырымынан 34-чакырым аралыкка чейин 6 жерде катуу жааган жаан-чачындан улам кокту-колоттон жалпы көлөмү 119190 метр куб болгон кум-шагыл аралаш сел түшкөн.

1-аймактан түшкөн таш-шагылдын көлөмү 96000 метр куб болуп, Каныш-Кыя айылынын 1987-жылы туулган тургуну Мейман уулу Союзбектин (мам № 705 ААК) «Мерседес» үлгүсүндөгү оор жүк ташуучу унаасын жолдун болжол менен 26,6-чакырымында басып калган. Жүк ташуучу автоунаада тамак-ашка керектелүүчү азык-түлүк болгон. Унаанын айдоочусу Мейман уулу Союзбек менен жүргүнчүсү Аккулов Жамшиддин абалы жакшы. Жабыр тартышкан эмес. Жолдогу жүргүнчүлөр менен Ала-Бука районуна келе берген.

Ошондой эле, 4 жана 5 аймакта түшкөн кум аралаш таштардын арасында (27-28-чакырымдарда) 3 жеңил автоунаа жүрө албай токтоп калган. Аталган автоунааларда экиден адам (жалпы 6 адам) болгон. Автоунаа жана адамдар жабыр тарткан эмес. Жол жабык болгондуктан учурда автоунаалар чыккан жок.

«Мындан улам Ала-Бука райондук №17 Жол тейлөөө ишканасынан 1 автожүктөгүч, Чаткал районунун аймагындагы алтын кенин казып иштеткен фирмалар тарабынан техника жана Ала-Бука, Чаткал райондорунан 2 топ жол кайгуул кызматкерлери тартылган. Учурда унаа жолдун 26-27-чакырымы кум-шагылдан тазаланууда. Бирок, жолду тазалоодо дагы да таштар түшүп, өтө кооптуу болгондуктан, тазалоо иштерине тоскоолдук жаратып жатат», -  деди Ботобеков.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×