Бөлүмдөр
Дүйшөмбү, 10-декабрь
Жалал-Абад облусуЧаткал району 02.10.2017 11:34

Чаткалда кардын көптүгүнөн келе албай калган таластык чабандарга куткаруучулар жөнөтүлдү

Turmush -  Чаткал районунда кардын көптүгүнөн келе албай калган таластык чабандарга куткаруучулар жөнөтүлдү. Бул тууралуу ӨКМдин басма сөз кызматынан билдиришти.

Маалыматка караганда, Бакай-Ата районунун Акназар айыл аймагынын чабандары (8 адам) 30-сентябрда Чаткал районунун Ат-Мойнок ашуусунда кар көп жаагандыгына байланыштуу 3 короо кой, 3 үйүр жылкы менен ашуудан өтө албай калышкан.

Чабандарды көчүрүп келүү үчүн ӨКМдин Бакай-Ата райондук бөлүмүнүн башчысынын жетекчилигинде жергиликтүү тургундардан 4 адам жана 3 куткаруучу ЗИЛ-131 унаасы менен 1-октябрда чыгып кетишти.

«Бүгүн, 2-октябрда саат 01:50дө аталган топ Чаткал районунун Чакмак-Суу айылына барып түнөштү. Кар көп жаагандыктан унаа менен андан ары бара алышкан жок», - деп айтылат маалыматта.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×