Бөлүмдөр
Жума, 15-декабрь
69.75    82.48    1.19    KZT 0.21
Жалал-Абад

Жайлоодо калып, дайынсыз болуп жаткан таластык 8 чабан табылды

Turmush -  Чаткалда жайлоодо калып, дайыны чыкпай жаткан таластык 8 чабан табылды. Бул тууралуу ӨКМден билдиришти.

Маалыматка караганда, 4-октябрда Бакай-Ата районунун Ак-Назар айылынын чабандары (7 эркек, 1 аял) саат 18:30 чамасында Чаткал районунун Чакмак-Суу айылына түшкөн. Алар айылга жакын Эски штаб деп аталган жерге өздөрүнүн чатырын тигип, жайгашканы такталды. Чаткал райондук өзгөчө кырдаалдар бөлүмүнүн башчысынын орун басары Иляс Кубатбеков менен Каныш-Кыя айыл аймагынын башчысы Нургазы Жолдошов тамак-аш жана керектүү азыктарды алып, саат 20:30 чамасында аларга жөнөп кетти. Кошумча маалымат берилет.

Окуя тууралуу:

Бакай-Ата районундагы Акназар айыл аймагынын Күмүш-Так ашуусунда калың кар жаагандыктан 8 чабан 3 короо кой жана 3 үйүр жылкысы менен ашуудан өтө албай калганы маалымдалган.

Маалым болгондой, аталган аймакка кар 30-сентябрь күнү жааган. Издөө-куткаруу иштерине ӨКМдин Таш-Көмүр шаарындагы №2 издөө-куткаруу отрядынан 10, Кара-Буура райондук №93 өрт-куткаруу бөлүмүнөн 3, Токтогул райондук №97 өрт-куткаруу бөлүмүнөн 5 куткаруучу жана жергиликтүү тургундардан 5 адам тартылды. Талас облусунан барган куткаруучулардын тобу кар көп жааганына байланыштуу ашуудан өтө албай, 3-октябрь күнү саат 19:15те ӨКМдин Кара-Буура райондук бөлүмүнө, ал эми Токтогул районунан барган куткаруучулардын тобу саат 19:40 чамасында туруктуу ордуна кайтып келишти.

3-октябрь күнү саат 18:40та Таш-Көмүр шаарынан №2 өзүнчө издөө-куткаруу отрядынын 10 куткаруучусу чыгып, саат 23:00дө Токтогул шаарчасындагы аскер комиссариатына жайгашты. 3-октябрда саат 21:00дө ӨКМдин Талас облусу боюнча башкармалыгынын башчысынын жетекчилиги астында 4 кишиден турган топ чыгып, саат 00:40та аталган аскер комиссариатына келишти. Издөө-куткаруу иштерине жалпы 20 адам тартылып, 4-октябрь күнү саат 05:48те куткаруучулар тобу аталган аймакка жөнөп кетишкен.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 932
Комментарии
Обсуждения закрыты
Көп окулду
Учурда окулуп жатат
×